練節奏

最近練鼓，我已經無跟人學，開始靠自己睇書，跟住入面的練習做。其實無咩特別原因，只係又唔急住有咩進步，想自己慢慢練。

近來主要集中練節奏。早前練左4/4的16分拍子的不同走位，練完後覺得聽鼓的能力進步左，於是發現節奏呢部份，真係有待加強。

呢兩日就開始練 12/8（即是每一拍係一個三連音），本身呢個 16分我都已經覺得幾難，但都勉勉強強打到出黎（即係某啲節奏都會窒吓窒吓……）

點知再望落去本鼓書後少少的部份……嘩！竟然係3連音的16分反拍，我己經連正拍都唔係咁數到，只係求其安啲音俾啲拍子，然後靠死記；黎到呢個16分反拍，連數都未識數，真係唔知點練先可以快啲入腦。

但真係一要練呢個反拍，我就好無信心...一係借啲意去廁所、飲水、一陣又話要放小息……真係咪咪摩摩……