無線網絡移除！

休息了幾天（其實也不是休息，只是不再操榮），今日已經好返好多，不過都仲係全身軟 lai lai.

最近把我桌上原有的無線網絡剷除了，用回原來的有線 Router，其實也沒有特別原因，安全問題只是次要考慮。而更多是感到有了無線網絡後，雖然四圍也可上線，好像十分方便似的，但實際上卻令到自己「周身唔得閒」，甚至有點沈迷上網。於是索性將自己的上線範圍限制在自己的桌子前，減少上網時間。沒有特別事，也不會走近桌子。

疲憊中

星期一和二由於嚴重地唔夠瞓 (0700收工，但0930就要出門口料理家人事宜）星期二晚仲去左打邊爐添（唔夠瞓仲去打邊爐——抵死)

於是後遺症就晌呢兩日——爆發了！

首先係肌肉酸痛，跟住唇乾舌燥，面泛油光。

跟住就開始爆暗瘡，然後尋日連口唇都開始生瘡，而家好痛。

呢兩日一定要十一點前瞓！！！

意識流小記

無力再組織自己的思路，一於來一篇意識流小記，即是想到什麼就寫什麼，九唔搭八。

- 游自由式，好累呀！我諗仲有排累……四肢肌力都唔夠，要慢慢練出黎。

無心向學

又開學了，不過無咩心機讀書，反而有心機學游水——我要向自由式進軍呀~~~呀~~~呀~~~（回音出現）

都係學習姐.....我跟住仲要去學車.....做學神....

兵變流產

經多番聯絡及焦急等待之後，慈善團體終於在今日過來搬走存貨。本來打算全部搬走，但職員上來視察後發現存貨實在太多，只能搬兩架客貨車的數量……那實在只是總存貨量的三份之一。

失望之餘，還被她們將所有貨箱打開、又推倒了不少貨箱，她們走了之後，我還花了整整一天在收拾她們留下的殘局。其實心裡有點生氣。前兩天己執了一輪，現在又要再執……我己經很累了。

詭計進行中……

呢幾日返左老家餵貓，又要再一次面對「亂過亂葬崗」o既家居環境（屋入面無辦法直行五步而唔會碰到雜物!!!!）真係頂唔住頸，於是又再變身成菲傭——開始執屋。

點解會拎晒酒店D洗頭水、梘液返黎，又唔用左佢，仲要塞晌屋入面唔同O既地方呢？唔通可以辟邪？

餘怒未消

雖然己經過左成個星期，但上次親戚果單大整蠱，真係諗起一次就激氣一次。