無心向學

又開學了，不過無咩心機讀書，反而有心機學游水——我要向自由式進軍呀~~~呀~~~呀~~~（回音出現）

都係學習姐.....我跟住仲要去學車.....做學神....
我以前好鍾意睇書，但而家讀返書，反而唔想掂 d 書，覺得好大壓力，要記低睇過o既野，諗野唔再係一種可有可無o既情況，而係一個out-come，係一樣一定要有o既野，咁就無左以前睇書果種樂趣……

好懷念果種一口氣睇完一本書果種感覺︰有d似入完桃花園之後，出返黎有種彷如隔世o既感覺。自從上個月因為預備開學而「戒」左睇 Harry Potter 之後，一直都無完整咁一口氣睇完一本書。

社團 o既下場唔知會係點呢？係時候放低佢，忘記背後，努力面前o勒……（比心機做埋 d 手尾佢先，好黎好去呀o麻）

今日救世軍回收部派員上老家視察，拎走一袋辦返去睇睇，希望佢地會要…

尋晚終於惡夢成真，訓過龍唔記得排船，今日成日都好驚。不過又無事喎，真係有驚無險。

秋天真係到左喇！！我又聞到佢陣「除」，秋天陣「除」係好似薄荷味咁架....好醒神。出門口都會「索」多兩啖。

夜晚返學，麻煩親戚又黎學校滾搞我，無奈帶左佢入課室，點知佢竟然好開心，聽晒成堂，仲話下個星期要再黎。是但啦，當比 d 世藝佢搞下，等佢無咁癲。