餘怒未消

雖然己經過左成個星期，但上次親戚果單大整蠱，真係諗起一次就激氣一次。
尋日親戚又打黎問我去唔去佢度吃飯，我直情同佢講我唔得閒——總之就唔得閒啦！

真係好奇怪——成日叫我去識多d人，但又要搲住我晌佢身邊——總之都係唔好近佢咁多啦，費事佢又以為我無所事事，又叫我執靚個樣出去識個有錢仔……（寫到呢度，突然醒悟︰佢只係將佢o既人生目標強加晌我身上姐……我根本無需要理佢！人各有志！）

不過最近幾年，睇住一個二個由細睇到自己大o既父母、親戚，慢慢開始老，失去自理能力，成日打黎滾搞自己，煩之餘都好感嘆——人老左真係好似細路仔咁，咩都要靠人，連去游個水，去更衣室都成日叫住我，慌死我走左去唔理佢咁。

究竟點解會咁架——又話家有一老，如有一寶o既？點解突然覺得自己好似家長帶小朋友咁架！乜唔係越老越有智慧架咩？