呢單都算係本年度經典之作（作果個唔係我，我係受害者）
親戚有輕度被害妄想症，成日懷疑自己、以及所有佢識o既人——被人偷聽、跟踪，惶惶不可終日。
最近兩三個月，佢開始用MSN通訊（因為佢唔敢再用電話），但幾呀歲人未學過電腦，有好多野唔明、唔識，咁就開始滾搞我喇。
話晒親戚一場，無所謂啦~~~（我以為）
尋日，佢打電話搵我，語氣凝重兼神秘，叫我︰你晏晝過一過黎，我有 d 好急 o既事搵你，你過黎我先同你講。（真係好凝重——好似比人十面埋伏緊咁樣）
當時我係同同事晌尖沙咀傾緊公事（OT中），特登搭車入屯門，個幾鐘~~~
去到佢屋企，原來係︰
個 MSN 無端端有一個佢唔識但係又同佢其中一個朋友同名o既人登入，但由於當時佢己經無開MSN，所以其實我唔知道點為之「有一個佢唔識但係又同佢其中一個朋友同名o既人登入」，連Mouse都唔識拎o既佢，亦都解唔到比我知發生咩事。
但情況就好似有人急Call你去佢屋企，話頭先有隻飛碟晌佢窗口飛過，但而家無左、問你點算。
請問，我除左拍枱、發老脾、即走之外，仲可以做乜？
咁又無左一個下晝。
真係︰
What the Bloody Hell!
沒有留言:
張貼留言