最憎人地教我點生活

雖然我都覺自己好hea, 但我諗我有權揀我自己過得開心o既生活方式。

而家份工，我都知好唔穩定，又學唔到野……

但係，收左工之後，我有大把時間做我鍾意做o既野…
我可以搵part-time，做一d 無乜paid，但學到好多野o既工

我可以有時間每日游一個鐘頭水

我可以安排時間，去學我想學o既野

我有時間同朋友仔食飯，我可以同屋企人下晝去酒樓嘆三點三

我可以認真諗下將來點樣，唔駛比份工限死自己

點解仲要教我轉工、打扮、化妝、搵老公？我己經過得好開心喇！

又唔係唔夠錢駛，點解要為左可以月入3萬幾蚊搞到差唔多廿四小時on-call 呢？

我唔係反對人地全力投身事業，我只係希望我都可以選擇過我自己覺得開心o既生活

點解要將我同人比呢？

好慶幸自己係女仔，「事業」o既壓力少好多，亦唔需要努力搵錢結婚（原來香港人結婚真係駛好多錢，好得人驚，真係覺得香港 d 男仔好慘 >_<）

香港人，可唔可以比 d 空間，比 d 機會自己，去過另一種非典型o既生活呢？

長輩們，唔好再用你地自己把尺去度我地 o勒，而家世界唔同，唔再係一份工就可以話比人知你係邊個o勒……

我要點講 d 人先會明白呢