到了當日下午，以下就是她跟我對話︰
- 朋友︰部電腦唔係好得呀！可唔可以幫我裝過個window？
- 我︰點解要裝過個window？
- 朋友︰即是可唔可以幫我update一個高級啲的window，而家呢個「簡化版」真係唔係好得（同時，加上皺眉和大搖其頭的動作，表示情況「好唔掂」。）
- 我︰但係你部電腦買的時候就是送這個Window 7 的簡化版，要update做完整版，要加錢買lisence架喎~~~除非你搵到老翻啦。
- 朋友︰吓！（驚恐狀）要加錢架？！加幾多呀？
- 我︰（心諗︰緊係要加錢，唔通 microsoft 開善堂咩~~~）都幾貴架，完整版至少都過千喎！
- 朋友︰吓！咁點算呀？你上次同我買果部fujitsu都唔駛架？！（擔心地）
- 我︰（其實我已經完全唔記得左上次幫佢買果部係咩，不過段估有牌子的，應該是手提電腦掛~~~~然後快速地推理，既然我唔記得，應該仲係Window XP時代的事。）上次？係咪都係手提電腦黎架？
- 朋友︰係呀，咪果部fujitsu囉？（究竟呢句同上一句有咩分別？@_@）
- （其實我都係唔記得係咩機）
- 我︰上次你買果部電腦，裝的是Window XP，但現在新出的電腦，已經改為跟機送Window 7架喇！同window xp唔同架喇！可能有啲功能你搵唔到姐。。。其實你部機個問題到底係咩？
- 朋友︰我用唔到powerpoint呀！（這裡是笑點！！用唔到powerpoint，等於部電腦「好唔掂」，等於要裝個好啲的window。）
- 我︰吓？我買電腦果陣，咪同你講過，跟機送的office是只有word和excel兩個軟件，如果你要用powerpoint功能，要上網搵一個叫openoffice的軟件，下載安裝咗就可以用powerpoint囉~~~
- 朋友︰我下載咗架喇！但係都用唔到喎！
- 我︰下載左都用唔到？你下載左啲咩呀！
- 朋友︰咪powerpoint囉！但淨係可以打開黎睇，改唔到入面啲內容喎！
- 我︰改唔到？無理由架喎，open office 入面係可以改到powerpoint架喎！你下載果個係咪OPEN OFFICE 呀！？係OPEN OFFICE喎，唔係MICROSOFT OFFICE 喎！（呢句我重覆了三次！佢先明我係話緊俾佢知兩樣野。）
- 朋友︰咩 office 話？ 我而家呢個window 開唔到 powerpoint 喎！
- 佢好似完全聽唔明我對上一句話係講乜，定係佢根本唔打算聽我講野？不論係何者，都令我好激氣，你咩都唔埋就掟部機埋黎叫我搞，我同你講的你完全唔聽，你當我係咩。
- 我︰呀xx（佢個名），我幫你買呢部機果陣，已經晌電話度講左一次，到交部機俾你果陣又講多一次︰你部機跟機軟件個Microsoft office 係免費送的，所以只有word同excel，你要用powerpoint的話，你可以安裝一個叫open office的免費軟件，佢係可以打開同修改powerpoint檔案的。我仲特別重覆左幾次open office 呢個詞幾次，你當時究竟有無聽到架！係OPEN OFFICE ，唔係MICROSOFT OFFICE呀！係OPEN OFFICE 呀！而你下載果個只係MICROSOFT的POWER POINT VIEWER，緊係改唔到啦！
- 朋友︰（呢刻佢先知道自已搞錯左）哎吔我真係搞唔清楚，你幫我整得唔得呀？
- 我心諗，咁你連個問題都未知出晌邊度，就一個波拋埋黎叫我整，呢個態度好有問題喎，我諗我要整下你個人腦先︰
- 我︰呀XX，我同你都唔係成日見到面，你又成日都唔晌香港，你下下都靠晒我，咁我唔晌度，你係咪呢世都唔用電腦做野先。你不如自己試下裝啦！呀XXX（另一個大我地廿年的朋友）因為年紀大，要佢學真係好難，我先快快手幫佢搞掂，但你仲後生，仲有學習能力架嘛！我覺得你唔似XXX咁無希望，你應該仲可以學得識的。我而家坐晌你隔離，你自己試下下載同安裝，你有咩唔識先再問我啦。
- 朋友︰哦，好好好！咁我自己試下，但呢啲野我真係學極都唔識。
- 我︰咁你一日要用電腦，就無法避免要識架喇喎。以前的農民出到城市夠唔識過馬路啦！都係咁學啦！唔通企晌度等俾車車死咩。。。
其實個過程根本唔一啲都唔難，最大困難係搵對網站同埋知道CLICK邊度先可以下載到。唔識唔係藉口黎的。
沒有留言:
張貼留言